Home

News

HPC Cup final CM-in a hmanpui

News

HPC Cup final CM-in a hmanpui

HPC Cup final CM-in a hmanpui

Vawiin (26.6.2026) khan Lunglei HPC sponsor-a Lunglei District Football Association (LDFA) te’n khua leh khua/veng leh veng inelna, inter-village football tournament an buatsaih, 15th HPC Cup 2026 final chu C. Ṭhuamluaia Mualah khelh a ni a, Chief Minister Lalduhoma, HPC Chairman ni bawk chuan a hmanpui.

Chief Minister chuan Lunglei chu tun hma aṭanga “thluak tamna hmun” tih ṭhin a nih thu sawiin, “Ram hruaitu ropui tak tak te, thu leh hlaa mi langsar tak tak te, thiamna lama mi chhuanawm tak tak te, infiamna huangah pawh mi hlawhtling tak tak leh zaithiam tam tak hring chhuaktu a ni,” a ti.

Lalduhoma chuan Mizoram ṭhalaite’n football leh infiamna dangah theihna sang tak an nei tih hriain, an theihna tipung a, eizawnna tlaka hma an sawnpui theih nan a theihna apiangah sawrkar chuan hma a la zel dawn tih sawiin, naupang talent neite zawn chhuah a, India ram ai awh thei khawpa training ṭha pekte chu an thil tum, a taka an kalpui mek a nih thu a sawi.

Infiammite chu ṭang a, hlawhtling tlaka bei tura chahin Chief Minister chuan, Infiamna hi eizawnna emaw, sum leh pai lak luhna emaw a ni ringawt lo a, taksa leh rilru hriselna te, ram leh hnam chawimawina te a ni tel,” tiin nu leh pate chu ruihhlo laka fate ven him nan infiamna tuipui turin a chah.

More Posts

Chetsualna avangin thi

Lalfakmawia (47) s/o Lalhuapzauva, Bawngkawn West chu nizan (25.6.2026) zan dar 10:25 khan lirtheia chetsualna avangin a thi. Police atanga thudawn danin, Lalfakmawia hi midang pahnih nen Brigade Road atanga Bawngkawn Traffic Point pan zawngin bolero MZ/01 AD 8031 in an tlan a, zan dar 9:30 vel khan Bawngkawn Traffic Point thlen hman deuh Synod […]

MLA-in Mizoram House a enfiah

PWD Minister puitu T Lalhlimpuia, MLA chuan vawiin (26.6.2026) hian Salt Lake, Kolkata-a Mizoram House building siamthat tura hma lak mek a hmunah a enfiah. Mizoram House endik naaah hian building pawn lam leh chhung lama khi leh siam that ngai te, a chung lam atanga ruahtui far thin te, a building pawn lam bang […]

Mizoram chhuahsan turin ti

Champhai Bethel Branch YMA chuan nizan (25.6.2026) khan thuchhuah siamin, raltlan sumdawng mi pariatte Mizoram chhuahsan turin an ti a, an venga awmtir lo turin mipuite an ngen. AN THCHHUAH : Heng a hnuaia mite hi raltlan sumdawng niin Champhai khawchhung mai bakah Aizawl khawpui ah te leh khaw hrang hrangah kal kualin mi an […]