Independence Puan Diamond Jubilee Celebration Committee an thukhawm

Vawiin September (8.9.2026) hian MNF President office-ah Independence Puan Diamond Jubilee Celebration Committee Chairman Dr. R. Lalthangliana, MNF Sr. Vice President hoin thu pawimawh tak tak ngaihtuahin an thukhawm.

Ṭhut khawmnaah hian zalenna sang ber neih hi Mizote chanvo a nih thu te, Mizo hnam sipai lo ni tawh zawng zawng political party hrang hranga lo awm tawhte pawh MNF-ah haw runpui siam bakah MNF party tana hmachhawp hrang hrangte an relho a ni.

MNF kum 60 tlin lawmna hi tunah an a la kal mek zel a, a hawnna programme ropui takin neih a lo ni tawh a, souvenir-te pawh tlangzarh a ni tawh. Thla 6/7 vel hnuah chuan a kharna hun pui neih tuma ruahmanna siam mek a nih thu Dr.R.Lalthangliana chuan a sawi.

Dr. R. Lalthangliana chuan MNF-ah chuan Mizo zawng zawng an len vek sawiin, “Mizorama political party upa ber leh hlun ber, vawi khat mah hming la thlak ve ngai lo a ni. Kum 2028 inthlanpui lo awm turah Pathian leh mipui zara hnehna chang ngei turin nasa taka kan inbuatsaih mek,” a ti.

He hunah hian Diamond Jubilee Celebration Committee Vice Chairman Lalruatkima, MNF Vice President leh member hrang hrangte pawhin thu a sawi.