Mar 31, 2026
Tuesday
April 21, 2026 a AMC inthlan lo awm tur atana nomination file te tana inhnuhdawh hun chu nimin (30.3.2026) khan a tawp a, inhnukdawk an awm lo. Candidate 68 an awm dawn.
AMC, 2026 General Election-ah hian INC, MNF leh ZPM te chuan ward 19-ah candidate an nei vek a, BJP erawh chuan ward 11-ah candidate an nei thung. Candidate te hi an vaiin 68, hmeichhia- 27 leh mipa- 41 an awm. Ward 6 heng ward –II,IV,V,XI,XII leh XVII te hi hmeichhe tana reserved ward an ni.
Tun tum AMC,2026 General Election a hman tur Final Electoral Rolls a voter awm zat chu 2,39,989 niin, hmeichhia – 1,29,656 leh mipa – 1,10,333 voters an awm. Mipa ai hmeichhia 19,323 in an tam. Voter tamna ber ward XVIII niin, voter 18,906 an awm a, a tlemna ber ward VIII niin; voters 7,975 an awm thung.
