News

Kolasib Joint Action Committee (JAC) on National Highway (NH) te chuan NHIDCL leh an hnuaia contractor-te’n kawng siam hna an thawk muang lutuk nia an hriat avangin kawng an zawh.

Kawng zawhnaah hian mi eng emaw zat thawk chhuakin ‘NHIDCL leh an cotractor-te hian kumin fur lo thlen hma ngei hian kawng hi siam zo hman rawh se. A nih loh chuan…’ tih thuziak leh thuziak dangte kengin kawng hi an zawh a ni. Kolasiba NHIDCL office awmna lam panin kawng hi an zawh.

Kawng zawhtute hi Kolasib College Veng pengthuamah police-in an lo dang a, minute 5 vel an innawr buai hnuah, buaina liantham zawk chhuakin an innawr chhunzawm lo. Hemi hnu hian NHIDCL leh Kolasib JAC on NH-te chuan inremna an ziak thei a, tlai dar 2:30 velah an tindarh.

Kolasib JAC on NH te hian NHIDCL-te office hi an kal dawn nia sawi awm mah se, inremna an siam theih tak avangin an kalh lo.

Inremna :

1.NHIDCL-in Kolasib District chhunga kawng an enkawlte chu March 15, 2026 hmain black topping an zo tur a ni

2.NHIDCl-te Gauhati High Court-a an intiam angin black topping hi April 3, 2026 ah chuan a vaiin an zo tur a ni

3.Kolasib District chhunga hnathawh a nih chhungin NHIDCL leh contractor-te’n tualchhung mi lirthei (LMV, HMV) a tam thei ang ber an hmang ang