Dec 10, 2025
Wednesday
Nimin (9.12.2025) khan Chief Secretary Khilli Ram Meena hoin, Core Committee on Traffic Management chu Chief Secretary Conference Hall, MINECO-ah an thukhawm a, Krismas vuakveta Aizawl khawpui chhunga lirthei tlandan tur ngaihtuahho a ni.
Thutkhawmnaah hian Unified Transport Co-ordination Committee (UTCC) Chairman leh Municipal Commissioner, Aizawl Municipal Corporation (AMC) in thurawn a pekte chu pawm a ni, chungte chu :
Superintendent of Police, Traffic Aizawl in Public Notice (No. RO/TRF/SP- Noti-7/08/510 dt.25.07.2025) a lo chhuah tawh angin, Aizawl khawpui chhunga lirthei intlanchhawkna tur kawngpui dungte chu thuleh awm hma chuan hman chhunzawm zel a ni ang.
Ni 23, 24 leh 31 December, 2025, dar 10:30 AM – 4:30 PM hian Chanmari atanga Zodin Square thleng chu No Vehicle Zone a puan a ni ang.
