Feb 12, 2026
Thursday
Aizawl Traffic SP chuan sorkar Office kai dan, nipui hun chhung atana tihdanglam a nih avangin Aizawl khawpuia lirthei intlanchhawk dan tur a hnuaia tarlan ang hian a tidanglam. Hei hian ni 16.02.2026 atanga ni 02.10.2026) chhung a huam ang.
Lirthei zawng zawng (mimal motor, sorkar motor leh bungraw phur lirthei leh district dang lirthei leh state pawna lirthei register-te pawh huamin) intlanchhawk hian zing dar 09:30 atanga tlai dar 06:00 thleng a huam ang. Lirthei intlanchhawk hian Inrinni (Saturday), Pathianni (Sunday) leh sorkar holiday-te a huam lo vang.
Taxi (LMV leh two wheeler) te chu group panga (5) sticker A, B, C, D leh E hmanga tlanin ni khat ah group pakhat zel an chawl anga, zing dar 09:30 atanga tlai dar 6:00 inkar an intlanchhawk ang. Tin, Inrinni (Saturday) leh Pathianni (Sunday) ah Taxi (LMV leh two wheeler)-te hi an vaia tlanchhuah phalsak an ni.
