News

Zonuntluangi (23) d/o PC Lalvuana, Thingsulthliah chu thihna kaihhnawiha police-in an man Malsawmdawngzuala (18), Bungkawn Vengthar, Aizawl leh Lalnunsanga (26), Zuchhip Veng, Khawzawl (Bungkawn Vengthara awm) te chu jail-ah dah ve ve an ni tawh.

Police atanga thudawn danin, Malsawmdawngzuala leh Lalnunsangate hi thuzawhfiah an nih hnuah court thu angin jail-ah dah an ni. Police-te chuan he thil thleng hi an chhui zo thawkhat tawh a, an chhuina report (chargesheet) court-ah thehlutin, court-in thubuai hi a ngaihtuah ang.

Ni 15.5.2026 zan dar 12 vel khan Chanmari Vengah bike leh scooter (scooter) an intai a, scooter hnunga chuang Zonuntluangi hi chetsualna hmunah a hliam tuar loin a thi. Bike hi a side lo lamah a tlan niin a lang.

Zonuntluangi hi class XII a pass hnuah Aizawlah a awm deuh char char a, Aizawlah cafe-ah hna a thawk. Aizawlah chuan Samuel Hostel, Chanmari West-ah a awm a ni.