Jun 08, 2026
Monday
ZPM chuan vawiin (8.6.2026) chhun khan an office-ah chhung inkhawm an hmang a, thusawitu Power & Electricity Minister F Rodingliana chuan hna an thawk tha thawkhat niin a sawi.
F Rodingliana chuan, “Kan sawrkar hmalakna te hi sawrkar kalta ngaihtuah chuan kan thawk tha thawkhat hlein a lang a, inthlan lehah hian kan sawrkar chhunzawm ngei a beiseiawm hle. Hydel project leh solar lamah pawh hma kan sawn chho zel. Tuivai DPR kum 5 chhunga peih tura tih pawh thla 15 chhungin an rawn peih hman. Mat Sekawi pawh topographical survey zawh a ni tawh a, report siam mek a ni,” a ti.
Mizoram pumah tunah hian kawlphetha pawt consumer hi 3,00,000 an awm thu sawiin P&E Minister chuan, “Aizawl bikah 80,000 an awm. Smart meter vuah tawh 56,000 a ni. Electric a thim zing tia puhnate pawh hi kum 3 kalta kan enlet a, darkar tam fein ZPM sawrkar hnuah hian kan eng tha zawk tih kan hmu a ni,” tiin an policy-a an lo telh lawk; P&E Department chhungah outgoing feeder meter hi 398 turah 307 vuah a nih tawh thu a sawi.
