Kan thinlung a na &#8211; North Vanlaiphai

North Vanlaiphai Joint VC leh All NGO chuan an khaw tlanga Richard Lalhmingliana tualthih chungchangah thuchhuah an siam a, an thinlung a nat thu an tarlang.

N Vanlaiphai thuchhuah

January 26, 2026 (Thawhanni) dar 11:30 AM-a N. Vanlaiphai tlangval Richard Lalhmingliana (27) s/o R. Lalawmpuia, vanduaithlak taka mi kut tuara a boral hi N. Vanlaiphai khawtlang mipuite thin a dam thei lo a, hetiang hian thuchhuah siam a ni.

Richard Lalhmingliana hi N Vanlaiphai tlangval a ni a, a awmdan hre chiangtu kan ni. A phak tawkah mi tlawmngi tak a ni a, mi pawi sawi hreh, mi a tih buai ngai pawh hi kan hre lo. Amah hi lo ruih ve zauh te chu a ching ngei mai. Mah se, mi tibuai zawnga a khawsak kan hre ngai lo. Amah hrim hrim hi aw rawl ring tak mi chu a ni.

Tuna harsatna (thihna) meuh a tawh chungchangah pawh hian kutthlaktu ni ngeia sawi H. Lalruatmawia, Chamari West, Aizawl pawi a sawi hi kan ring lo a ni. Richard Lalhmingliana chunga lainatna leh khawngaihna tel hauh loa kutthlaktu ni ngeia sawi H Lalruatmawia, Chamari West, Aizawl hi dan ang taka hrem a nih hi kan ph<t tlat a, a chungah na taka action lak nise, tih hi N. Vanlaiphai mipui duh dan a ni.

He pawi sawi lo chunga kutthlaktu hi thuneitute’n a phu tawk hremna pe ng>i se, kan ti a, bail lailawk pawhin chhuah ni lo se, kan ti bawk.

He thihna thleng chungchangah hian N. Vanlaiphai mipuite thinlung a nain a rum tak meuh meuh. Mi awm tha duh lo leh pawisak nei lote avang hian pawi sawi lote nunna hi laksakin awm tawh lo se, kan ti.

He pawi sawi lo thihna avang hian N. Vanlaiphai mipuite chuan pawi khawihtu hi danin a phut ang tak leh a phu tawk hremna a hmuh ngei theih nan eng kawng pawh
zawh ngai se, kan zawh zal ang a, hma kan la zel dawn a ni.