Jan 12, 2026
Monday
Chhinga Veng Branch YMA chuan Champhai Police-ten January 10, 2026 zana Zokhawthar atanga Aizawl pan tur maxi cab-a chuang heroin an man sak Tahan lam mi, Bawih Uk Mang (32) chu an venga cheng a nih loh thu an tarlang.
Bawih Uk Mang in Chhinga Veng, Aizawl a cheng mek nia a in sawi avangin Champhai Police Station biak pawh a nih thu tarlangin Chhinga Veng YMA chuan, “A chenna anga a sawi hmasak Bethani Hostel leh a hnua a chenna ni a a sawi Ebenezer Hostel hi Chhinga Vengah a awm lo. Amah hi Chhinga Veng a cheng a ni lo tih Mizoram mipuite kan hriattir e,” an ti
Tarlan tawh angin, Champhai Police-te chuan ni 10.1.2026 zan khan Zokhawthar atanga Aizawl pan tur maxi cab atangin heroin hi eng emaw zat an man.
Thudawn danin, maxi cab-a chuang pakhat Bawih Uk Mang (32), Tahan, Myanmar, tuna Chhinga Veng, Aizawla awm mek nia inchhal bungrua, spicy noddles chhunga thuhruk heroin grams 112 an man. Cheng nuai 22.40 man hua chhut a ni.
