Nov 22, 2025
Saturday
UD&PA Department bultumin Bawngkawn to Durtlang road cheithat a ni dawn a, a cheithatna atan hian cheng vbc. 15 sanction niin, tender chhuak mek a ni.
Kawng cheithat tur hi tukin (22.11.2025) khan UD&PA Minister K Sapdanga hoin AMC hotu, UD&PA official leh veng pahnih khawtlang hruaitute’n an enfiah. Ruahman dan chuan kawng thlang lam hmun hrang hrangah khawthlirna, hahchawlhna, open gym, naupang tualchaina leh inthiarna hmunte siam a ni ang. A design pawh peihfel vek a ni tawh. Hnathawh tan atanga kum 1 vela zawhfel theih beisei a ni. Khualzin leh khawtual mite tana tlawh chakawm tak ni tura siam an tum.
Hei bakah hian Leitan atanga Leitan te (Synod Hospital gate bula chhuak) chu lirthei kaltlang theiha siam a ni dawn a, contractor pawh thlan a ni tawh. Hnathawhna atan cheng nuai 120 vel ruahman niin, karlehah hna tan hman beisei a ni.
