News

Nimin (23.3.2026) a ZPM-in AMC inthlan lo awm tura an candidate turte Vanapa Hall-a an puannaah Chief Minister Lalduhoma chuan kawng chhawng an siam dawn thu a sawi.

Chief Minister chuan kawngah nasa taka hma an lak thu sawiin, “Vaivakawn traffic jam tih ziaawmna atan kawng chhawng kan siam dawn. Hemi atan hian cheng nuai 3,500 dah a ni. Keini chuan sawi sawi loin kawng chhawng kan siam dawn. Vaivakawn atangin Company peng a pawh ang a, Vaivakawnin bazar tha tha tak an neih phah bawk ang. Hnathawh mek a ni,” a ti.

Bawngkawn traffic jam tihziaawm dan tur pawh an ngaihtuah tih sawiin Lalduhoma chuan, “Sorkar hmasain ruahmanna an siam a, kan enchianga a jam na hmun sawnna mai mai turah kan ngai. Ruahmanna chi hnih siamin, pakhat zawk zawk kal kalpui ang,” tiin a senso tur pawh a tam dawn thu a sawi.