Aug 03, 2026
Monday
Vawiin (August 3, 2026) hian Khawlailung Congress Party-te chu Khawlailung khaw chhung kawng leh khawdai kawng chhia siam thain an hnatlang.
Khawlailung Group Congress President H. Hrangdawla chuan, “Khawlailung khaw chhung leh dai vel kawng khuar hnawhkhat hian mi 120 zet kan hnatlang a, kawngpui kms. 6 vel laia thuia kawngkhuarte kan hnawh a ni,” a ti.
H Hrangdawla chuan kalphung thar tak tak chu Congress Party zia a nih thu sawiin, “Thusawi a ni lo, a taka hlenchhuah hi a ni zawk,” tiin vawi za thusawi aiin a taka hlenchhuah vawi khat ramin a mamawh zawk thu a sawi.
