Tukin dar 2:20 vel khan K. Lalchhandami (21), Zemabawk North chu Sairang road, tipper stand bul khamah a tla hlum.

Chaltlang Lily Veng Br. YMA tarlan danin, he vanduaina thleng chungchangah hian Bawngkawn Police aṭanga hriattirna leh țanpui tura ngenna an dawn angin a hman remchangin a hmun hi an pan nghal a, Disaster Quick Response Team pawh an thleng thuai a ni.

Zing dar 3:08 velah ruang zawng turin khamah an uai thla a, Lalchhandami ruang hi kawng atanga metres 94 vela hmuh niin, zing dar 5:25 velah an la chhuak thei.

Ruang lakchhuah a nih hnu hian Bawngkawn Police Station-ah thil țul hrang hrang tihfel a ni a, zing dar 6:10 khan postmortem tura lak a ni.

K. Lalchhandami ruang hi vawiin chawhnu dar 1 hian vui nghal a ni ang.