Jan 12, 2026
Monday
Ni 4.1.2026 leh ni 10.1.2026 inkara SLT Company-ten ATL Road an siam mekah an kawng siamna khawl Pukpui, Lunglei daia an dah chu mi tu tih hriat loh in lo suasam in, Tandem Roller leh Sensor Paver machine electric wiring lo tan chhiain an lo ru bo a ni. Heng bakah hian diesel litre 100 vel bo telin Subrata Patra, SLT Company Site Engineer, Camp Mausen, Lunglei in Lunglei-PS ah FIR an thehlut.
Lunglei-PS ah thubuai ziahluh niin, Lunglei Police-in theihtawpin pawikhawihtu hi an chhuizui nghal. Police-te leh FSL expert te chu thil thlenna hmuna evidence pawimawh turte lakhawmin he pawikhawihtu hi man ngei tumin hma an la nghal a, nimin (12.1.2026) zingah Zotlâng YMA leh VDP, Pukpuite nen a tangkawpin he pawikhawihtu ni ngeia hriat T.Lalrinmawia (39) s/o T.Rongura (L) Pukpui, Lunglei a khawsa nia inchhal chu man a ni.
Thu zawhfiah a nih hnuah pawikhawihna hian a inhnamhnawih ngei a ni tih police hmaah a sawi a, thu zawh fiah chhunzawm niin, thil tul angte tih chhunzawm zel a ni ang.
