Sep 08, 2026
Tuesday
LAWMPUINA HLAN : Vawiin (8.9.2026) chhung khan Electric Veng, Lunglei Local Council leh NGO Co-ordination Committee chuan an veng nu, National Teachers Awardee Lalnunmawii lawmpuina hun an buatsaih.
Govt Electric Veng High School, Lungleia Lalnunmawii lawmpuina inkhawm buatsaih hi C. Lalruatfela, Vice President, Electric Veng LC chuan a kaihruaia, Lalnunmawiin award a dawn dan chanchin leh lawmthu sawiin, CS Rongurliana, LC Chairman bakah NGO hrang hrang – YMA, MUP leh MHIP President theuh ten thu an sawi bakah Lalnunmawii hnenah lawmpuina thilpek an hlan. Electric Veng Local Council chuan thingpui ruai an buatsaih a ni.
Govt Electric Veng High School Headmaster Lalnunmawii hian Teachers Day (September 5, 2026) khan New Delhi-a Vigyan Bhawan-ah India President Droupadi Murmu kut atangin National Teachers Award a dawng a ni. Award hian medal, thuchei leh Rs. 50,000 a keng tel.
