Apr 12, 2026
Sunday
Tukin (12.4.2026) khan Vathuampui, Lawngtlai District-a Baptist Church of Mizoram. (BCM) Kohhran Sunday School Hall chu bungraw chuh hman lohin a kang ral.
Thudawn danin, tukin dar 5:30 vel khan Vathuampuiah hian electric current a phe zuk zuk a, a hnu lawkah hall hi a kang. An tlan khawm chuan a lo kang nasa tawh hle a, thelh chi a ni tawh lo. Electric current kalsual vang niah an ngai.
Vathuampui BCM hian biak in an sa thar a, peihfel lutuk loin tunhnai khan an luahlut. Heivang hian kohhran document leh bungruate chu hall-ah hian dah vek a ni.
Bungraw kang zingah tunhnaia generator cheng nuai chuanga an lei an la hman loh te, generator an hmanlai te, keyboard leh steel almirah hote a tel. An document pawimawhte pawh a kang ral vel.
