Dec 24, 2025
Wednesday
Hmeichhe naupang kum 10 mi Shepherd Zomuani’n a ziah ‘My Teddy’ tih comic bu chu nizan (23.12.2025) khan tlangzarh a ni. Kumin chhunga Mizo naupang zinga lehkhabu pahnih ti chhuak thei awm chhun nia hriat a ni.
Lehkhabu tlangzarh inkhawm hi FW Cafe, Tuikhuahtlangah Thawhlehni zan khan neih a ni a, Rev. Dr. R. Lalthanmawia’n ‘My Teddy’ tih lehkhabu chu a tlangzarh. Shepherd Zomuani hian a lehkhabu ziah hmasa ber ‘From My Heart to Yours’ tih chu kumin May thla khan a lo tlangzarh tawh a, a lehkhabu ziah pahnihna tlangzarh a ni leh ta. Mizo naupang zingah kum 2025 chhunga lehkhabu pahnih tlangzarh thei awm chhun nia hriat a ni.
Shepherd Zomuani hi Zoramliana leh Ammmie Lalnunpuii te zinga a mi lai a ni a, Tuikhuahtlangah an cheng. English Congregation School-a pawl 4 zirlai a ni a, YES 2025, Youth Summit-ah ‘Stars of Tomorrow’ ah thlan a ni a, naupang chhuanawm tak a ni.
