News

Vawiin (20.4.2026) chawhma dar 11 vel Samuel Lalrinchhana (17) s/o VL Thavela, Lungmawi khua, Hnahthial District chu Hnahthial District vek South Chawngtui ram chhunga Khawthla Sang liah a tla a, he thuziahlai thleng hian hmuh a la ni lo.

Thu dawn danin Thalai Kristian Pawl (TKP), Lungmawi Unit chuan Pathianni hmangin South Chawngtui an tlawh a, tukina an haw chu Khawhthla Sangah an peng a, khawhtlang sang hnuai liah chuan an cheng a ni. Samuel Lalrinchhana hi a li lai a thleng a, tal buai ta a, a thiante chhan turin an va kal a, an chhan thei lo.

South Chawngtui YMA te an pun a, Tuipui South-a tui thiam mi eng emaw zatin tui tla zawng tur hian Khawhthla Sang hi an pan mek. Hnahthial Police lam pawh thil tul tul buaipui turin an thleng tawh niin thu dawn a ni. He thuziahlai thleng hian hmuh a la ni lo.