Feb 25, 2026
Wednesday
Vawiin (25.2.2026) chhun dar 12:39 khan Blessing Lalmalsawma (3), Saiphai khua, Kolasib District chu an thenawmte tanky-ah a tla hlum.
Bengvarnain Saiphai atanga thu a dawn danin, Blessing-a an in atangin an thenawmte inah leng turin a chhuak a, a hnuah a chhungte’n an hmuh lawk loh avangin an zawng a, an thenawmte in tanky hman tawh lo chhungah hmuh niin, hmuh a nih chuan chhan theih a ni tawh lo.
Blessing-a hi an thenawmte tanky chung rangva a khuh chungah tanky neituten naupang infiamna an silfai an phoa, chu mi an pho chu va lak a tum ni a rin a ni.
Rangva a khuh mai mai a nih takah chuan rangva hi chhinphui chat a ni lo a, a karah a tla lut nia hriat a ni. Zaninah tlaivarpui a ni ang a, naktuk chhun dar 12:00 ah vui a ni ang.
