News

Hmangaihsanga (54), Nghalchawm khua chu nizan (11.2.2026) khan sangha man tura Tlawng Luia an kal chesualin tuiah a tlahlum.

Hmangaihsanga hi makpa leh unaute nen nimin zing dar 6 vel khan sangha man turin Tlawng Luiah hian an kal a, zan dar 10 velah tui chhunga puka a lut chu a chesual a ni. A chetsuak hnu hian mi pali tuiah hian lut ve a, an lak chhuah chuan a lo thi tawh. Vawiin chhun dar 1 khan vuiliam a ni.

Hmangaihsanga hi pa tlawmngai tak, khawtlang tan pawha mi tangkai, tui thiam tak a ni. A ho hian tuitla pawh eng emaw zat lak chhuah an ni tawh a, an khaw chhehvela tuitla an awmin, a che chhuak hmasaah a tang thin. Fa pasarih a nei.