Jan 01, 2026
Thursday
K Vanlalngaii @ Ngaiteii (78), Lunglei Bazar Veng chu nizan (31.12.2025) khan a chenna inah thiin hmuh a ni a, Lunglei Police-in an chhuizui mek.
Lunglei atanga Bengvarna thudawn danin, Ngaiteii hi amaha awm a ni a, nizan dar dar 9 vel khan a fate Lunglei Luangmuala chengten thiin a inah hian an hmu. Ngaiteii ruang awm dan atangin tualthihna ni ngeia rin a ni.
Police leh Forensic lamin uluk takin thil tul angte an buaipui hnuah a ruang hi lak chhuah a ni a, a fate chenna Luangmual lamah lak a ni. He thuziahlai hian postmortem mek niin, chumi hnuah an vui ang.
Tualthahna ni ngeia rin a nih vangin uluk taka chhuizui mek a ni a, vawiinah pawh Police leh Forensic lamin Ngaiteii chenna in hi an enfiah leh.
