Jan 25, 2026
Sunday
Governor chuan vawiin (25.1.2026) hian Lai Autonomous District Council (LADC) Chief Executive Member (CEM) atan C Lalsawmzuala (MNF) a ruat. Central YLA-in total bandh an neih tur an thulh.
C Lalsawmzuala hi United Legislature Party (ULP) Leader a ni a, ULP-ah MNF MDC 8 leh INC MDC 7 an thawkho a, MDC 15 an nei. LADC-ah hian sorkarna siam turin MDC 13 neih a ngai. Governor chuan C Lalsawmzuala hian thlawptu a neih dan January 29, 20216-a fiah turin a ti.
Governor chuan Protem Chairman atana C Hrangthianga a ruatna pawh vawiin vek hian a ti chhuak. Ruahmanlawk dan chuan Chairman thlanna chu January 28, 2026 khian Protem Chairman kaihhruaina hnuai ah neih a ni ang.
Central YLA chuan LADC -ah sorkar ruangam dinchhoh a nih dawn tak vang hian naktuka total bandh neih an tum chu thulh a ni.
Thlalak : C Lalsawmzuala
