Feb 16, 2026
Monday
MPCC President Lal Thanzara chuan vawiin (16.2.2026) hian MNREGA a ngai anga kalpui leh tura ngenna Prime Minister Narendra Modi hnenah ziakin a thlen.
MPCC tarlan danin, Central Sorkarin MGNREGA thlakin, mipui inhlawhna tura an thuneihna (right) hlutak chu Central Sorkarin mipui right tibovin, an duhsak state sorkarah an duh anga an tanpui theih nan G-RAM-G tiin an thlak a ni.
Tin, MGNREGA-ah kha chuan Central Sorkar-in za a za a tum thin a, G-RAM-G-ah erawh hi chuan keini ang state tenaute pawhin 10% kan tum ve a ngai tawh dawn a ni.
Kan ram sum leh pai dinhmun leh kan Revenue en hi chuan G-RAM-G-a 10% tum hi chu thil awlsam lo tak a ni. Hun a lo kal zel anga, ni 100 inhlawhna kan tih hi kan ramah kan hman theih loh thuai a rinawm a ni.
Hetiang zawng zawng hi uluk taka Mizoram Pradesh Congress Committee chuan ngaihtuahna a neih hnuah, MGNREGA hi a ngai bawka kalpui leh turin an Lal Thanzara chuan Prime Minister hnenah lehkha a thawn a ni.
