Jun 23, 2026
Tuesday
ZPM PAC member TBC Lalvenchhunga, Adviser to CM chuan nimin (22.6.2026) khan an party office-ah langtlang nih ngam law law tur a nih thu leh kan CM kum 20-30 lo zui tawh avanga intitheite tan ZPM-ah hmun a awm loh thu a sawi.
TBC Lalvenchhunga chuan a thusawi lem harsa an ti deuh a nih pawhin a sawi tur a danglam loh thu sawiin, “Party langtlang kan ni. PAC rorel a leak a, PUC hnena kan lehkhathawn pawh a leak tho a, executive group-a ka post lah a leak ziah. Chuvang chuan langtlang nih ngam law law tur,” a ti.
ZPM PAC Member chuan ZPM Party-ah senior leh junior an awm lo tih sawiin, “Kan CM kum 20-30 lo zui tawh vanga intitheite tan hmun a awm lo. ZPM hi kalphungthar duha zawm khawmtute tan a ni tih ka sawi duh,” tiin ZPM a din tirhin PRISM pawh an tel thu a sawi.
PRISM chu ZPM foundation dintute zinga mi an nih thu sawiin TBC Lalvenchhunga chuan, “ZNP a tel takah PRISM kan inhnukdawk. Chumi hnuah MLA leh MP chuh hrangin, ZPM kan zawm leh. ZPM ka zawm tukah, nihna min pe lo tura ka ngen hnuah PAC nihna min pe,” a ti.
TBC Lalvenchhunga chuan ZPM PAC-ah senior most a nih thu sawiin, “Mawhphurhna min pek chinah theihtawpin hma ka la ve niin ka hria. Kan kalzelah junior nih kan hlawh,” tiin he ram siamthatna tura mipui hmaa an thusawi kha dawt a nih loh chu thu leh ‘chumi kan tih hlawhtling thei lo a nih ni niah chuan ZPM-ah ka tel lo ang’ tia a lo sawi tawh chu a sawi nawn leh ngat duhthu a sawi.
