News

Dr. F. Remthangpuii d/o F. Lalchawimawia, Eeast Lungdar khua, Mizo zingah naupang lam doctor, Super Specialist in Pediatrics Critical Case hmasa ber chu Hrangturzo Bialtu MLA Lalmuanpuia Punte, Adviser to CM (Political) chuan a bial chhung mi nih angin lawmna thingpui inpui pahin, a office-ah a titipui.

Lalmuanpuia chuan doctor-ah pawh super specialist kan nei tam lo hle tih sawiin, “Dr. F. Remthangpuii, naupang lam super specialist (pediatrician) pangngai kan nei hi a lawmawm hle mai. Kan bial chhung mi ngei East Lungdar nula a lo ni leh zel hi ka lawm hle mai. Anni ang super soecialist tan post awmsa kan nei mai lo chungin, mipuiten a tangkai thei ang bera kan chhawr theih nan kan Health Minister bulah pawh a chanchin ka lo sawi ang a, mipuiten a thiamna an chhawr tangkai theihna turin theihtawp ka lo chhuah dawn a ni,” a ti.

Dr. F. Remthangpuii hian Dr. NB/Super Specialist in Pediatric Critical Care, Artemis Hospital, Gurgaon atangin a zirchhuak a ni.