News

Vawiin (4.11.2025) chhun khan Leitlangpui Music Festival (LMF) 2025 Working Committee chu an chairman, Lunglei Bawrhsap Navneet Mann hoin LDC Conference Hall-ah ṭhu khawmin, inbuatsaihna hrang hrang an thlirho.

Leitlangpui Music Festival 2025 hi November 13-15, 2025 (Ningani-Inrinni) chhungin Pukpui Kawmzawlah buatsaih tura ruahman a ni. Zai, lam, hnam thil leh kutthemthiam thil pho chhuahna, thuam leh ei leh in chi hrang hrang zawrhna leh intihhlimna chi hrang hrangte buatsaih leh tura ruahman a ni.

Leitlangpui Music Festival hawn inkhawm chu November 13 tlai dar 3-ah Health Minister Lalrinpuii hoa hman tura ruahman a ni. Kut chhung hian a hmunah hian ZOHANDCO Exhibition kalpui pah tum a ni dawn. Kut ni hnih ni, November ni 14-ah Leitlangpui Music Festival puala Leitlangpui Band Contest 2025 top 10 chin inelna leh final buatsaih a ni dawn a, top 3 chin hi December ni 12 – 20 chhunga Aizawla Winter Festival buatsaih turah an inlan nghal ang.

LMF 2025 hi ni thum chhung hian ni tin chawhnu dar 1 aṭanga zan dar 9/10 vel thleng hawn niin, item hrang hrang kalpui ṭhin a ni dawn.