Feb 28, 2026
Saturday
Nizan (27.2.2026) khan Lengpui YMA Hall-ah Lengpui YMA buatsaihin YMA kumpuan ‘Ruihhlo Do’ hawn a ni a, a hawngtu Central YMA President R Lalngheta chuan ruihhlo zuarte dim tur a nih loh thu a sawi.
R. Lalngheta chuan ruihhlo ngaite hian suamhmang an tawk a, anni ho hi enkawl a, bualfai a eitur pe turin kan zavaiin kan tanrual a ngai tih sawiin, “An tan hian zanina rawngbawltu lokal khawmte hian ke kan pen ve tawh em? tih i inenfiah ang u. Ruihhlo zuar tute hi kan dim tur a ni lo, an sum leh pai, an neih te hi kan it tur a ni lo, kan thalai te hraihlum tu, chhungkua ti thendarh a, chhungkua ti hrehawmtu ruihhlo zuartute hi i ngaisang lo ang u,” a ti.
YMA hruaitute chu an kut a fai a ngaih thu sawiin CYMA President chuan, hluihlawn thil la lo turin YMA hruaitute a fuih a, “Tunlai hian ganja a tam em em a, naupang te te in an ti a, hei hian a aia tha lo a hring chhuak dawn. Kan ram hi chhan theih, chhan tlak a la awm a, kohhran leh YMA te tangho ila theihtawp i chhuah tlang ang u” tiin kal khawm te a chah.
