Jan 10, 2026
Saturday
Dampa Bialtu MLA Dr.R.Lalthangliana chuan vawiin (January 10, 2026) hian a bial chuan chung lam khaw hrang hrang – West.Lungdar, Reiek, Ailawng, Chungtlang, Rulpuihlim leh Tuahzawl khuate a fang a, link road siam turin a tahtawlin ruahmanna an siam tur thu a sawi.
Dr. R.Lalthangliana chuan, “Helai tlang dung ka fannaah hian uluk takin ka zir a, kut hnathawka eizawng an tam hle. Ram chu an nei tha a, an ram neihte an hmang tangkai thei si lo a, inkalpawhna – agriculture link road/horticulture link road tha an mamawh tih ka hmuchhuak ta. A khua a miten tha ber tura an tih angin a indawtin ruamhmanna leh thawh dan tur kan siam ang a, kei pawhin ka theihna zawnah nasa takin hma ka la dawn. State sorkar pawh theihtawp chhuaha lo inkau turin ka ngen lawk a ni,” a ti.
Heng hmunahte hian Dampa Bialtu MLA hi MNF hruaitute bakah khawtlang hruaitute nen, anmahni khua bik theuhin an mamawh leh hmalak dan tur hrang hrang an sawiho.
Dr. R. Lalthangliana hi helai kawng siamtu INCKAH Infrastructure Development Technology Pvt.Director leh a hoten an tawiawm chhuak thlap a, a hmunah an kawng siam laite tha taka thawh dan tur an en ho pah zel. Fur pui hmaa siam zawh anih loh chuan heng laia mipui hian an tawrh dawn avangin thawh zawh hman ngei an tum a ni.
