Feb 24, 2026
Tuesday
Vawiin 24.2.2026 Assembly Session-ah Transport Minister Vanlalhlana chuan lirthei atanga chhiah lutah beisei an phak thu leh taxi rate bitukah tihdan phung an thlak dawn thu a sawi.
BJP member Dr. K Beichhua zawhna chhangin Transport Minister chuan taxi (four & two wheeler) rate chu State Transport Authority (STA) bituk thin a nih thu sawiin, “STA rate bituk hian zawm a hlawh lo hle a, mipui pawh an phun nasa,” a ti.
Vanlalhlana chuan taxi rate-ah tihdan phung an thlak dawn thu sawiin, “Online booking system-in kan kal dawn a, buaipui mek niin, peihfel a ni tep tawh,” tiin online booking system peihfel a nih chuan rate a mumal zawk tur thu a sawi.
Transport Minister sawi danin, lirthei atanga chhiah tlingkhawmah kum 2025-2026 budget estimate atanga chhutin beisei an pha chho zel. Sorkar kum kal mekah lirthei atanga chhiah tlingkhawm chu December, 2025 thleng khan cheng vbc 48.63 a ni.
