Aug 09, 2026
Sunday
Vawiin (9.8.2026) tlai dar 5 vel khan Freddy Lalmuanawma (31) s/o Hmingthankimi, Durtlang North chu lirtheia insutna vangin Chhingchipah a thi.
Chhingchhip atanga thudawn danin, Freddy-ate a pi leh pute Chhingchhipah an awm thin a, a nu nen pawh hun eng emaw chen a awm hman. A hnuah an nufa hian Durtlang North-ah hian an pem a ni.
Tukin khan Chhingchhipah hian a zin chho a ni. Amah hian bike khalhin, tlai dar 5 velah Chhingchhip khaw chhungah hnamdang khalh truck gas phur nen an insu. Damdawi in panpui vat nimah se, chhan theih a ni tawh lo. Chetsualna hmunah hian a thi a nih rin a ni.
A ruang hi zaninah Durtlang North panpui tur a ni a, chhun dar 12 ah vui a ni ang.
