Dec 14, 2025
Sunday
Vawiin (14.12.2025) chhun dar 12:50 khan Rorelliana (28), Chamring chu lirtheia chetsualna vangin a thi. Amah hi motor khalhtu a ni.
Bengvarna thudawn danin, Rorelliana hi a nupui leh a fate pahnih bakah a pizawn leh puzawn nen Sialsukah zanriah eiturin an motor (alto 800) in an kal a ni.
Chamring dai (Sialsuk lam) Vaiawt pelh tawh hnu kawng thlangah tlan liamin kawrah an tla a, Rorelliana hi chetsuala hmunah hian a hliam tuar loin a thi. Mi tlawmngaiten ruang leh hliam tuarte an la chhuak.
A nupui fanute chu ngaihtuah awm an ni loa, a pizawn leh puzawn chuan hliam na tak an tuar thung a, enkawl mek an ni. Rorelliana hi naktuk chhun dar 12 ah vui a ni ang.
