Aug 25, 2026
Tuesday
Nimin (24.8.2026) tlai dar 6 vel khan bike leh truck insuah mithi vuia kal haw lam Lalramthlira (46), Kawlkulh a thi.
Lalramthlira mitthi vuiin Saitualah a kal a, a hawl lam chu Dulte atanga kms. 5 velah Silchar atanga dawr bungraw dah haw lam, Aizawl pana tlan 407 truck, MZ/06 – 8783 nen insuin a hmunah a thi nghal a ni. A mi phurh an khaw mi Vanlaltluangi chuan hliam a tuar a, Kawlkulh Primary Health Centre-ah first aid pek a nih hnuah Aizawla inkawl zui tura thawn a ni.
An chetsualna hmunah hian Khawzawl Police kal nghalin, thil tulte an buaipui hnuah Lalramthlira ruang hi an khua panpui a ni. Nizan khan lumenpui niin, postmortem hnuah vawiin chawhma dar 11 khan an vui.
