Nov 18, 2025
Tuesday
Assembly Speaker hlui Lalrinliana Sailo-in Deputy Chief Minister hlui Tawnluia enkawl department-ah dik lo takin cheng nuai 100 hman a nih thu Maryland, USA-a a sawi chungchanga thubuai chu Mizoram Lokayukta-in a titawp tawh.
Mizoram Pradesh Youth Congress Committee (MPYCC) chuan an General Secretary hmingin July 7, 2023 khan Lokayukta Chairman hnenah Speaker Lalrinliana Sailo-in, Maryland, USA-a Mizote hmaa thu a sawiah Deputy CM Tawnluia enkawl department hnuaiah cheng vbc 100 hna thawh awm loa ziah ral a nih thu a sawi tih thlenin, chhui chiang tura ngenna a thehlut a ni.
Lokayukta chuan thuzawhfiah ngaite zawtfiah a, an chhui chian hnuah Dy. CM hlui enkawl thin PHE Department-ah hnathawh awm si loa cheng nuai 100 ziah ral anga a sawi chu thu dik loah a ngai a, thubuai hi tun hnai khan a titawp ta a ni.
