Dec 11, 2025
Thursday
Lallianmawia (22) s/o. Lalthlamuana
Electric Veng, Hnahthial chu nimin (10.12.2025) a an luikal tum Khawhri leh Tuiphai inkarah a chin hriat lohin a bo.
Hnahthial atanga Bengvarna thudawn danin, Lallianmawia hi a pa leh midang paruk vel nen ramah hian an kal a, a inchhuih palh avangin a hnung berah a kalzui a ni. Main road atanga km. 1 vela an kal hnu, chawhma dar 10 velah a awmna chin a kalpuiten an hre zui lo.
An zawn pawha an hmuh zui loh vangin khaw hnai ber Khawhri Branch YMA hruaitute hrilh hriat an ni. Khawhri Branch leh Tarpho Branch ten theihtawpin an buaipui a, he thuziahlai thleng hian hmuh a la ni lo.
Vawiinah zawn zui a ni a, Electric Veng Branch atang pawhin mi eng emaw zat an thawk chhuak.
Secretary
Electric Branch YMA
