News

Champharai (49), Ngengpuikai khua, Lawngtlai District chu nimin (2.6.2026) khan luikamah a ruang hmuh a ni a, nimin vek khan vuiliam a ni.

Thudawn danin, niminpiah khan Champharai hi maupuin ramah kal a, a mau put hi inlamah a dah hnuah, Ngengpui lui lam panin a chhuak leh a ni. Tlai lamah a haw mai loh avangin a chhungte leh khawtlangin an zawng nghal a, a bo ni hian an hmu zo lo.

A tukah zawn chhunzawm leh a ni a, chhun dar 12 velah Ngengpui lui kamah thiin an hmu ta a ni. Nimin tlai dar 4:30 khan an vuiliam. Champharai hi tunlai hian a nupui nen an inneih loh lai a ni a, an fate pali chu aman a awmpui.