Lungawi lohna lantir titawp

Provincialised an nih tawh ang ngeia provincialised dinhmuna dah let leh tuna an dinhmun adhoc-grant-in-aid a\anga dinhmun hniam zawk lumpsum-grant-aid a sorkarin dah a tum duh loh avanga sorkar lakah lungawi lohna an lantirtu Mizoram Govt. Adhoc Aided High School Teachers’ Association (MIGAHTA) chuan vawiin (30.7.2026) chhun dar 12 khan lungawi lohna lantir an titawp. ZPM PAC meeting hmasa ber thutlukna leh department hmalakna an ngaichang dawn.

MIGAHTA tarlan danin, sorkara lungawi lohna an lantir chungchangah nimin khan MZP palaina hnuaiah sorkar aiawh Adviser to CM Lalmuanpuia Punte, ZPM Vice President ni bawk nen a pisaah an inkawm a, sorkar laka an lungawi lohna leh an thil phutte an thlen. Lalmuanpuia Punte chuan sorkar lam atanga an ruahmanna neih leh hma a lakpuina turte a lo hrilh a ni.

Hetianga inbiakna boruak tha tak hnuaia an neih avang hian lungawi lohna an lantir mek chu chhun dar 12 khan an titawp a, August 3, 2026 atangin mhani sikul theuhah rinawm leh taima taka an hnate thawk chhunzawm turin an member-te hriattirin, resolution pali an pass.
MIGAHTA Resolution :

Sorkar nen kan inbiaknaah sorkar laka kan lungawi lohna leh kan thil phutte chiang takin kan sawi a, heng kan kan lungawi lohna leh kan thil phutte hi awm min tih puiin, ZPM PAC meeting hmasa ber (August 12 2026) a an sawiho tur thu leh chu an thutlukna chu concerned department-ah thlen min tiam ang ngeiin PAC meeting thutlukna leh department hmalakna hi kan lo ngaichang reng dawn a ni,” an ti.
MIGAHTA leh sorkar aiawhte inbiak leh hmaa ‘The Mizoram Education (Lumpsum Grantsin-Aid for General Maintenance of Private School) Rules, 2026’ tihchhuah thar chu adhoc high school, provincialised ve lote special category-I a dah kan nihna notification chhuah lo tura kan ngenna chu bawhzui min tiam angin, sorkarin notification a tihchhuah loh kan beisei. Kan inbiakna palzuta notification hi chhuah a nih chuan, a chhuah tuk a\angin nasa zawkin lungawi lohna kan lantir leh ang.
MIGAHTA chuan tuna kan dinhmun aia hniama sorkarin min dah a tumna ‘The Mizoram Education (Lumpsum Grants-in-Aid for General Maintenance of Private School) Rules, 2026’ hi kan pawm thei ngai dawn loa, high school tan special category-I notification tichhuak lo turin thuneitute kan ngen bawk a ni.
Kan lungawi lohna leh thil phutte min hriatthiam pui a, min tih hlawhtlin sak turin sorkar kan ngen tak meuh. Ka duhnate a taka chantir a nih theih nan sorkar hmalakna kan thlir reng dawn a ni.

Lungawi lohna an lantir dawn

1.July 21 & 22, 2026 – Badge dum bel
2.July 23 & 24, 2026 – Pen down strike/No teaching day
3.July 27 & 28, 2026 – Mass casual leave
4.July 29 – 31, 2026 – Sit–in-demonstration