Lunglei HPC an thukhawm

Vawiin (20.11.2025) chhun khan Lunglei High Powered Committee (HPC) chu an Chairman Lalduhoma, Chief Minister hovin High Powered Committee Conference Hall, Lungleiah an thukhawm.

Chief Minister chuan, Lunglei mipuite duh em em Mizoram State Universiry hmunpui tur chu Lungleiah dah tum a nih thu sawiin, “Mizoram State University Bill, Assembly lama lo pass tawhah Aizawlah a hmunpui dah tura lo tih fel vek lo ni mah se, Lunglei leh chhim lam mipuiten Lungleiah awm se an duh tih kan hria. Chuvang chuan, dan chu a tul anga siamthat (amend) leh mai pawh huamin Lungleiah a hmunpui dah hi kan tum ta a ni,” a ti.

Mizoram State University chungchang hi Chief Minister hian chiang zawkin Lungleiah hian press conference a nei dawn.

Meeting-ah hian Lunglei Bypass Road sialna tur hmalakna an thlirho a, a bawh zui zel dan tur an rel. Serkawn Bazar Shed sak thar thu te, Lungleia Cooperative Training Centre din te, Govt. Lunglei College tihhmasawnna turte an sawiho. Mizoram chhim lamin Aairport a neih ve theihna tura hmalaknate pawh sawiin Chief Minister hian Mizoram chhim lam leh khaw chhak lama Airport siam belhna tur ram thlithlai mek a nih dan a sawifiah a ni.