Apr 16, 2026
Thursday
Tukin (16.4.2026) dar 6 atangin Lunglei Municipal Council huam chhunga awm Jt. YMA Zobawk chuan an lo ruahman lawk angin an huam chhungah total bandh an buatsaih.
Jt. YMA Zobawk hian an khaw chhunga National Highway NH2 laih chungchangah an ngennain awmzia a nei loa an hriat bakah an duh anga hnathawh a nih loh avangin total bandh hi an buatsaih a ni.
Total bandh buatsaih an tum tih an hriat avang hian kawng siamtu Company NHIDCL lam chuan ni 13.4.2026 (Thawhtanni) atang khan hna thawk chhunzawmin khawlte pawh an dah belh a ni.
Mah se, Jt. YMA Zobawk hruaitute chuan vawi tam tak an lo ngen tawhna chuan awmzia a neih ngai loh avang leh tun hma atang tawhin lungawilohna lantir an tum avang chauh a hna an thawk thin chu an hriatthiam tawh loh thu an sawi a ni.
Total bandh an neih hian awmzia a nei lo a nih chuan hmalak zel dan tur Jt. YMA chuan an ngaihtuah ang.
