Lungleiah heroin an man

Vawiin (12.11.2025) tlai dar 3 vel khan
Lunglei Police hnuaia DSB staff leh Assam Rifles tangkawp chuan Lunglei Venglai leh Rahsi Veng inrina bulah Lalhlimawmi leh a pasal Lalhmingmuana, Lunglei Venglai nia inchhalte hnen atangin heroin hawng li an man

Thudawn danin, DSB staff leh Assam Rifles tangkawp hian Venglai leh Rahsi Veng inrina bulah Lalhlimawmi leh Lalhmingmuanate nupa kut atanga hian heroin Hawng thum (grams 36.140), tualchhung hralhna rate a Rs. 1,08,420 man hu an man bakah an chenna in, Lunglei Venglai atangin heroin hawng khat (grams 11.200), Rs.33,600 man hu an man sak leh a ni.

Lalhmingmuana leh Lalhlimawmi te heroin an man sak belhkhawm hi hawng 4 (grams 47.34), Rs.1,42,020/- man hu niin, mobile phone pakhat an man tel. An nupa hian man nghal niin Lunglei Police Stationah thubuai siam sak an ni.

Vawiina heroin man chungchang an chhui zui zel naah Lunglei Police-te chuan Lungleia heroin kengluttu ni ngeia hriat mi pahnih C.Lalkrosthanga, Ngharchhip, Hnahthial Dist. leh Marry Dawn, Myanmar te chu man leh in, Lunglei Police Stationah ruihhlo kaihhnawih thubuai bakah Immigration and Foreigner Act, 2025 hnuaiah thubuai an ziaklut a ni.