Feb 07, 2026
Saturday
Nizan (6.02.2026) zan khan Manipur Group YMA-ten Inkhawmpui vawi 41-na tawp zan, Lamka Branch YMA Hall, Hmuia Veng-ah an hmang a, Central YMA President R. Lalngheta’n thu a sawi.
CYMA President chuan Mizote hi hnam tlemte kan nih thu sawiin, “YMA chuan he hnam tlemte hi pumkhat a awm hi kan duh ber a ni. Inpumkhatna tur chuan nang leh kei hi kan pawimawh a, chibing te tea in la hrang loin hmun khat a awm turin ka sawm duh che u a ni. Mizo ah hian hnam hrang hrang kan awm a, i inpumkhat ang u, unau kan ni a, i in do lo ang u. Mizo hnam peng hrang hrangten kan tawng theuh te humhalh ila, chutihrualin kan inbiak pawhna tawng tlang lawn erawh kan thiam tlan a tul,” a ti.
Ruihhlo do chungchangah tanrual ah ngaih thu sawiin R Lalngheta chuan, ti hne hne loa huai taka do turin YMA member-te a sawm.
Manipur Group YMA Inkhawmpui hman pui Turin hian Central YMA President R. Lalngheta leh GS Prof. Malsawmliana hoin CEC member 20 an kal a, Tuiphal Group YMA-te an kal bawk.
