News

Nimin (31.6.2026) khan 16th Mizoram Education Reforms Committee (MERC) meeting chu an chairman Dr Vanlalthlana, Education Minister hoin SCERT Seminar Room-ah an thukhawm a, Mizoram zirna chungchang thil pawimawh tak tak leh hmasawnna tur an sawiho.

An thurelte :

(i)Sawrkar leh kohhrante thawhhona atanga sikul enkawl dan tur Public Private Partnership (PPP) rawtna an pawm. Hemi tih hlawhtlin nan hian pilot project-in sikul thlan tur zat leh a hmun turte ruahman fel thuai a ni ang.

(ii)Draft Mizoram Education Service (MEdS) Rules,2026 (Common Service) chu siamthat ngaite siam thain pawm phawt a ni a, MERC meeting leh hmasa berah peih fel tum a ni.

(iii)Transfer and Posting of School Teachers Rules, 2026 pawh hman theih tura ruahmanna kalpui mek a ni a, hei pawh hi hun rei lo teah peih fel tum a ni.

Heng bakah hian tunlai Mizoram zirna atana thil pawimawh leh hmasawnna hna thawh tur kawng hrang hrang an sawiho.