Methamphetamine leh heroin man a ni

Police-te chuan ni 11.5.2026 leh ni 13.5.2026 khan heroin leh methamphetamine thahnem tak an man.

Ni 11.05.2026 zan dar 8:00 vel khan, rinhlelh thil thuah Champhai Police-te chuan Champhai Police Check Gate-ah maxi cab regn. no. MZ-06-3935 chu an lo tiding a ni. He lirthei Zokhawthar atanga Aizawl pan hian passenger
pakhatmah phur loin, a khalhtu chu Zardawngkima (36) s/o Zungkhupa (L), Tuidil, Myanmar, Khawmawi, Myanmar-a cheng mek nia inchhal a ni.

Hriatpuitu rinawm tak awm laiin uluk taka lirthei hi dap niin, bean ip chhunga thuhruk, heroin ni ngeia hriat sahbawn bawm 6 (paruk) leh theihai dahna bawm chhung atangin methamphetamine ni ngeia hriat fun 10 (sawm) an hmu chhuak.

Heroin nia hriat rih zawng hi gram 75 a ni a, tualchhung rate-a chhutin ₹15,00,000/- lai a tling a; methamphetamine hi kg 10.818-a rit a ni thung a, tualchhung rate-in ₹8,65,44,000/-a tling.

Hemi chungchangah hian Champhai Police Station-ah thubuai ziah luh nghal a ni a, C/No. 74/26 dated 11/05/2026 u/s 22(c)/21(b)/25 ND&PS Act
r/w u/s 21 of TI&F Act, 2025 hnuaiah chhui zui mek a ni.

Ni 13.05.2026 khan, SDPO (Vairengte) kaihhruai Vairengte Police special team-te chuan N. Chhimluang-ah highway patrolling leh lirthei endikna neiin, Ashok Leyland truck pakhat (regn. no. AS-01UC 5477) chu an lo tiding a ni.

Lirthei dangte endik hna an thawh mawlh mawlh laiin, he truck driver leh handyman-te chu an tlan chhe thut a, umzui mah se, man hman an ni ta lo a ni.

Mechanic ruaiin he lirthei hi uluk taka endik a nih hnuah, gear lever bula thil thuhrukna tura bik siam kua (cavities) hmun hnih aṭangin, heroin ni a hriat sahbawn bawm 70 an hmu chhuak a ni. Heroin hi a rih zawng grams 900.29 a ni a, a hlutna cheng vbc. 1.8 vel a ni.

He truck leh a khalhtute phone an tlan chhiatsan mobile phone pahnihte pawh chu lak nghal a ni a, Vairengte Police Station-ah Case No. 24/26 dt
13.05.2026 u/s 21(c)/25 of the ND&PS Act hnuaiah thubuai ziah luh a ni.