Methamphetamine thahnem tak an man

Tukin (7.6.2026) dar 1:00 vel khan Champhai Police leh Sub. Headquarters YMA, Champhaite chuan Khankawn Check Gate hnaih, Chhungte khaw daiah lirthei an dap a, scooter pahnih – registration no. MZ/01 AB 3317 (access), Rinneihmang (26) s/o Thankipdun, Shadow, Myanmar khalh leh, MZ/01 R 5168 (NTORQ), Thangluimang (21) s/o Chawnkipum, Khawmawi, Myanmar khalhte chu check point-ah hian rinhlelh thila lo tih din an ni.

Lirthei pahnihte hi uluk taka dap ni mah se, thil dik lo engmah hmuh a ni lo. Hetianga lirthei an endik lai hian kawng sir atanga ipte (rucksack) ak mi pahnih lo kal chu hmuh an ni. Police-te chuan an umzui nghal vat a, pakhat chu a rucksack hnutchhiahin thim thamah a tlan bo hman. A dang pakhat, Stephen Mangbawithang (20) s/o Kawlzathang, Topila, Myanmar khuaa mi chu a rucksack nen man zui a ni.

Rucksack pahnihte an han endik hnu hian methamphetamine tablet, kgs. 23.855 a rit, mum 2,12,100, tualchhung rate-a chhutin ₹1.69 crore man hu vel man a ni.
He thilah hian ruihlo leh scooter pahnihte chu seized an ni a, Myanmar mi pathumte chu man nghal an ni bawk. An mi mante chu – 1). Rinneihmang (26) s/o Thankipdun, Shadow, Myanmar, 2). Thangluimang (21) s/o Chawnkipum, Khawmawi, Myanmar leh 3). Stephen Mangbawithang (20) s/o Kawlzathang, Topila, Myanmar an ni. Champhai Police Station-ah Case No. 90/2026 dated 07.06.2026 chu NDPS Act hnuai a Section 22(c), 25 leh 29 tlawhchhanin leh Immigration and Foreigners Act Section 21 tlawhchhanin ziah luh a ni.