Nov 21, 2025
Friday
Mizoram Police hnuaia CID (Special Branch) chuan nizan (20.11.2025) dar 10:30 vel khan Zemabawk Tawngtai Mual bulah methamphetamine thahnem tak an man.
CID-te hian TATA truck AS/01 FC – 7586 chu an rinhlelh avangin an endik a, methamphetamine kgs. 49.244, cheng vbc. 39.39 man hua chhut an man. he thila inhnamhnawih mi pahnih – Atabur Rahman Mazumder (45), s/o Mujamil Ali Mazumder leh Abdur Rahman Chowdhury (29), s/o Abdul Motlib Chowdhury, Hailakandi, Assam nia inchhal ve ve man nghal an ni.
Atabur Rahman Mazumder leh Abdur Rahman Chowdhury lakah hian Special Narcotics PS-ah thubuai, Case No. 37/2025, Sections 22(c), 25, and 27 of the NDPS Act, 1985 hnuaiah ziahluh nghal a ni. A kaihhnawih dang awmte an chhuizui mek.
