Feb 28, 2026
Saturday
Zokhawthar Police leh Assam Rifles tangkawp chuan nimin (27.2.2026) khan Zokhawthar huam chhung kawr ruamah methamphetamine leh heroin thahnem tak an man.
AR leh Police hian joint operation an nei a, kawr ruamah hian rucksack a neitu hriat loh an hmu a, ruihhlo a awm an rin avangin an chhar a, thuhretute hmuhlaiin an endik a ni.
Rucksack-ah hian methamphetine kgs. 5.188, cheng vbc. 4.72 hua chhut leh heroin grams 68, cheng 13.60 hua chhut lo awmin an man. Zokhawthar Police-ah thubuai ziahluh niin, a neitu an chhuizui ang.
