May 20, 2026
Wednesday
Assam Rifles leh Excise & Narcotics Department tangkawp chuan nimin (19.5.2026) khan beihpui an thlaknaah Vapar, Champha District huam chhungah methamphetamine tablet 570 an man.
Ruihhlo phurh kual a awm tih report an dawn bawhzuiin Assam Rifles leh Excise & Narcotics Department tangkawp hian ramhnuaiah mi pahnih lo tidingin endik an tumlaiin Myanmar lam panin an tlanchhia a ni. Ramri kan an tumlaiin an ipteah an chhuhsak thei hram.
Bag chhungah hian methamphetamine packet thum an hmu a, packet thumah hian methamphetamine tablet 570, cheng nuai 17.10 man hu chhut lo awmin, an man nghal. Ruihhlote hi Excise & Narcotics Department chuan dan anga hmalak chhunzawm turin an kawl.
