May 06, 2026
Wednesday
Saitual Police-te chuan an thu dawn bawhzuiin May 4 leh 5, 2026 khan Keifang Kualmawiah methamphetamine thahnem tham tak an man a, a phurtu motor-te hi Manipur atanga rawn kal vek niin, a neitu/phurtu mi pathumte pawh man tel an ni.
May 4, 2026 khan Keifang Kualmawiah Manipur atanga rawn kal bolero pakhat chu lo check a ni a, hetah hian methamphetamine tablets 90,900 (10.118 kg), cheng vbc 8.09 hu vel man a ni.
May 5, 2026 khan Nissan Magnite atangin tablet 2,02,000 (24.284 kg), cheng vaibelchhe 19.42 hu an man leh. Hemi ni vek hian Vitara Brezza atangin tablet 1,01,000, (11.139 kg), cheng vbc ₹8.91 hu an man belh leh a ni.
A pum puiah Saitual Police-ten ni hnih chhung leka methamphetamine an man hi tablets 3,93,900 (45.541 kg) niin cheng vbc ₹36.43 chuang man a ni.
