MFDC an ṭhukhawm

Vawiin (11.8.2026) hian Information & Public Relations (1&PR) Minister B. Lalchhanzova hoin a office-ah Mizoram Film Development Committee (MFDC) an ṭhukhawm.

B. Lalchhanzova chuan film leh a buaipuitute chuan, a rualkhai ang thei bera an hmasawnna leh film thanzelna tur an ngaihtuah a pawimawh thu sawiin, film hmasawnna chungchang a sawi a, “Film hmasawnna tur kan sawi hian a buaipuitute, a mihring thiamna leh an hmasawnna tur pawh ngaihtuah tel a ngai,” a ti.

I&PR Minister chuan kawng hrang hranga Mizoramin film lamah kan thanzelna atan CSR leh thil dangte pawh a hman theih em tih member-te chuan lo zir sela a duh thu a sawi a ni.

MFDC Chairman Betsy Zothanpari Sailo, I&PR Secretary chuan MFDC chu nikuma sawrkarin film hmasawnna ngaihtuah tura a din thu sawiin, “Hetah hian pawl thawhpui bik emaw awm loin film buaipuitute leh siamtu zawng zawngte chu an huap vek a ni,” a ti.

Meeting-ah hian Mizorama Film Industry tihhmasawn nana hmalak dan tur hrang hrang sawiho a nih bakah sum tam zawk film hmasawnna atana dah a pawimawh thute sawilan a ni. Hei bakah hian MFF leh I&PR lamin Ailawnga an din film shoot nana Zokhua siam chu tihchangtlun zel a ngaih thute pawh tarlan a ni.