Feb 10, 2026
Tuesday
Siaha Police-te chuan nimin (9.2.2026) khan khan mi cheque, signature pek sa hmanga bank atanga pawisa la chhuaktu an man a, court-a hruai a nih hnuah vawiinah jail-a dah a ni.
Bengvarna thudawn danin, mi pawisa la chhuaktu hi Lungzarhtum, Lawngtlai District khaw mi, mipa a ni. Cheque-ah hian Rs. 50,000 ziakin, Siaha-a bank pakhat atangin pawisa hi a la chhuak a ni.
Pawisa a draw chiah hian account neitu phone-ah message a luh avangin, account neitu hian Siaha PS ah FIR a thehlut nghal a, police-te chuan chhui nghalin, an man a ni. Pawisa hi eng emaw zat chu a lo hmang hman tawh.
Mi cheque hmanga pawisa la chhuaktu hian cheque hi Siaha Council Venga a chhar niin police-te bulah a sawi.
